1. Was braucht denn a Gscherter an Huat,
     dem steht grad a Zipfelhaubm guat.
     A Zipfelhaubm mag a net und an Huat kriagt a net,
     muaß a halt bloßkopfert gehn.

  2. Es Mensch mit n rotn Miada,
     die is ma die Allerliaba.
     sollts net die Liaba sein, wann i kumm, lassts mi rein,
     s Mensch mitn rotn Miada.

  3. Jetzt hab i mei Schimmerl verkauft,
     jetzt nimm i des Geld und versaufs,
     sauf ma a Räuscherl an, bis i ka Geld mehr han,
     bis i des Schimmerl versauf.

  4. Jetzt waß i schon, was i jetzt tua.
     I lass die schön Mentscher in Ruah.
     spar die Strümpf und die Schuah und es Geld ah dazua,
     bleib is a lustiger Bua.

  5. Geld hin und her, Geld hin und her,
     der Wein schmeckt ma ah nimma mehr.
     Mei Dirnderl is goa so schen, zu ihr mecht i wieder gehn
     und bleib a braver Bua!